រឿងរ៉ាវនៃការចង់បាន Jadon Sancho មកចូលរួមនៅ Old Trafford គឺនៅតែបន្តផ្ទុះខ្លាំងដដែល ដរាបណាទីផ្សារដោះដូរមិនទាន់ឈានចូលមកដល់ជាផ្លូវការ។
តាមតម្លៃល្ហៀងៗរបស់យុវជនវ័យ ២០ ឆ្នាំនារយៈពេលចុងក្រោយនេះ គឺថ្លៃប្រមាណ ៩០ លានផោន។ ប្រភពពី Daily Express បានឲ្យដឹងថា United អាចនឹងប៉ះប៉ូវចំណូលខ្លះតាមរយៈការលក់ចេញកីឡាករក្នុងក្រុម ៥ រូបដើម្បីប្រមូលលុយនាំយក Sancho ចេញពី Dortmund។
ក្នុងចំណោម ៥ រូបនោះ មានដូចជា Alexis Sanchez, Jesse Lingard, Chris Smalling, Phil Jones និង Andres Pereira ដែលសុទ្ធសឹងជាបេក្ខភាពរំពឹងត្រូវលក់ចេញនៅរដូវក្តៅខាងមុខ។
បញ្ជាក់ថា Sancho នារដូវកាល ២០១៩/២០ រកបាន ២០ គ្រាប់និង Assist ២០ លើកហើយនៅ ៤៣ ប្រកួតសរុបឲ្យក្លឹប Dortmund ដែលនេះរាប់ថាជាយុវជនលេចធ្លោបំផុតមួយនៅតំបន់អឺរ៉ុប៕
ប្រភព៖ GiveMeSport