Karim Benzema ត្បិតបើមិនបានរកគ្រាប់បាល់បញ្ចូលទីនៅជំនួបទល់ Espanyol កាលពីយប់មិញ ប៉ុន្តែលោកក៏នៅតែចូលរួមចំណែក Assist បាល់បានយ៉ាងល្អ ហើយបច្ចេកទេសប៉ែងបាល់មួយជើងនោះគឺទទួលបានការកោតសរសើរខ្លាំងពីសំណាក់អ្នកគាំទ្រ និងសូម្បីតែអ្នកស៊ុតបញ្ចូលទីផ្ទាល់។
Casemiro ដែលជាអ្នករកបានគ្រាប់បាល់ ក្រោយកីឡាករបារាំង Assist ឲ្យបាននិយាយថា៖ “គ្រាប់បាល់នោះសមតែជារបស់ Karim ទេ ព្រោះយើងប្រើប្រាស់នូវគុណភាពដ៏អស្ចារ្យដែលគាត់មាន ហើយហេតុផលដែលខ្ញុំស្រែកនៅពេលនោះ ព្រោះខ្ញុំដឹងច្បាស់ថាគាត់អាចមើលខ្ញុំឃើញ”។
បញ្ជាក់ថាសូម្បីតែ Zidane ក៏សរសើរដែរថាបច្ចេកទេស Assist បាល់នោះ អាចរាប់ជាគ្រាប់បាល់ដ៏ល្អបំផុតមួយប្រចាំរដូវកាលទៀតផង៕
ទស្សនាវីដេអូខាងក្រោម៖