ក្រុមហង្សក្រហម Liverpool បានក្លាយជាជើងឯកលីគកំពូលអង់គ្លេសហើយ ក្រោយពីខកខានឈ្នះពាននេះរយៈពេល៣០ឆ្នាំមកហើយ។
ជាមួយការឈ្នះពានរង្វាន់នេះដែរ សម្រាប់លោក Klopp អ្នកចាត់ការក្រុម Liverpool ពិតជាសប្បាយចិត្តយ៉ាងខ្លាំង ហើយទន្ទឹមនឹងនោះដែរ លោកក៏ប្ដេជ្ញាចិត្តដើម្បីដឹកនាំក្រុមឱ្យល្អទៀតនៅពេលខាងមុខដែរ។ ខណៈដែលការប្រកួតនៅសល់៧ប្រកួតទៀត ក៏ក្រុមហង្សក្រហមនឹងមិនបន្ធូរជើងឱ្យក្រុមណាមួយនោះទេ ពោលគឺប្រឹងប្រែងយកឈ្នះគ្រប់ប្រកួតនៅសល់។
អ្នកចាត់ការសញ្ជាតិអាល្លឺម៉ង់បាននិយាយថា៖ “ខ្ញុំនឹងមិនឈប់ទេ យើងនឹងមិនឈប់ទេ។ យើងនឹងបន្ដដាក់គោលដៅដើម្បីយកពានរង្វាន់ជាច្រើនទៀតមកទីនេះ។ ខ្ញុំមិនអាចសន្យាថានឹងឈ្នះពានរង្វាន់ទាំងអស់ឡើយ ប៉ុន្តែយើងនឹងប្រឹងប្រែងទាំងអស់គ្នា”៕ប្រភព Dailymail
