ខ្សែប្រយុទ្ធ Anthony Martial រកបាន៣គ្រាប់ឱ្យក្រុម Manchester United យកឈ្នះលើក្រុម Sheffield United ក្នុងលទ្ធផល ៣- ០ នៅយប់មិញនេះ។
ដោយ៣គ្រាប់កាលពីយប់មិញនេះ ធ្វើបាននៅនាទីទី៧ ១គ្រាប់ នាទី៤៤ ១គ្រាប់ និងគ្រាប់ចុងក្រោយកើតឡើងនៅនាទី៧៤។ នេះគឺជាការរកបាន Hat-trick ដំបូងសម្រាប់ Martial ហើយក្នុងអាជីពបាល់ទាត់ក្រុមធំ។ ដោយឡែកវាក៏បានបង្ហាញថា រូបគេសក្ដិសមសម្រាប់ជម្រើស១១នាក់ដំបូងរបស់លោក Ole នាពេលបច្ចុប្បន្ននេះផងដែរ។
ឆ្លងកាត់៣១ប្រកួតមកនេះ ក្រុមបិសាចក្រហម Manchester United នៅលេខ៥ក្នុងតារាង ដោយមាន៤៩ពិន្ទុ ស្របពេលក្រុម Chelsea ដែលស្ថិតនៅលេខ៤ក្នុងតារាងវិញ មាន៥១ពិន្ទុ។ នៅរាត្រីនេះ ក្រុម Chelsea ត្រូវតតាំងជាមួយក្រុមខ្លាំង Man City ទៀត៕ប្រភព Dailymail
