ក្រុម Juventus បានធ្វើឱ្យអ្នកគាំទ្រសប្បាយចិត្តវិញហើយ ក្រោយពីយកឈ្នះលើក្រុម Bologna បានក្នុងលទ្ធផល ២-០ នាការប្រកួតក្របខណ្ឌ Serie A នៅយប់មិញនេះ។
ខ្សែប្រយុទ្ធ Cristiano Ronaldo ជាអ្នករកគ្រាប់បាល់ទី១បាន ដោយការទាត់ប៉េណាល់ទីនៅនាទី២៣។ ដោយឡែកសម្រាប់គ្រាប់បាល់ទី២វិញ ធ្វើបានដោយ Dybala នៅនាទី៣៦ក្នុងតង់ទី១ដែរ។ ក្រោយពីរកបាន២គ្រាប់នេះហើយ ក្រុមទាំងពីរមិនអាចធ្វើអ្វីគ្នាបាននោះទេ ដោយរក្សាលទ្ធផលនេះ រហូតដល់ចប់ការប្រកួតតែម្ដង។
នេះជាការឈ្នះប្រកួតឡើងវិញរបស់ក្រុម Juventus ក្រោយពីពួកគេបានចាញ់ក្រុម Napoli ក្នុងការប្រកួត Cup កន្លងមកនេះ។ មួយវិញទៀត បច្ចុប្បន្នក្រុមរបស់លោក Sarri ក៏ឈរនៅកំពូលតារាង ដាច់ពិន្ទុក្រុមលេខ២ Lazio ៤ពិន្ទុផងដែរ តែក្រុម Lazio នៅសល់១ប្រកួតក្នុងដៃទៀត៕ប្រភព Dailymail