លោក Ronaldo Nazario ដែលជាប្រធានក្លឹប Real Valladolid បាននិយាយថ្មីៗនេះថា ក្លឹបរបស់លោកនឹងបើកទ្វារទទួលដៃដប់ សម្រាប់ការមកចូលរួមនៃសំណាក់កីឡាករ Alexis Sanchez ប្រសិនណា United បោះបង់រូបគេ។
Sanchez កំពុងខ្ចីជើងលេងនៅ Inter Milan ហើយមិនទាន់លេចលឺដំណឹងច្បាស់ការថា United ព្រមលក់ផ្តាច់កុងត្រាឲ្យទៅក្លឹបអ៊ីតាលី ឬយកមកបែបណានោះទេ។ តាំងពីផ្ទេរមក Old Trafford នៅឆ្នាំ ២០១៨ កីឡាករឈីលីមិនទទួលបានជោគជ័យទាល់តែសោះ ត្បិតបើមាននាមជាកីឡាករស៊ីថ្លៃបំផុតប្រចាំក្លឹបក៏ដោយ។
ប្រាប់តាមរយៈការជជែកលើកម្មវិធី Zoom អតីតកីឡាករប្រេស៊ីលនិយាយ៖ “Alexis Sanchez គេអាចជោគជ័យគ្រប់កន្លែងដែលគេទៅ ដោយគេពោរពេញដោយគុណភាពល្អជាច្រើន ប្រសិនគេមិនអាចជោគជ័យនៅ Inter នោះទ្វាររបស់ក្លឹប Valladolid នឹងបើកទ្វារសម្រាប់ការមកដល់របស់គេ”។
បញ្ជាក់ថា Ronaldo កាន់កាប់ ៨០ ភាគរយនៃហ៊ុនសរុបរបស់ក្លឹប Real Valladolid។ បច្ចុប្បន្នក្លឹបកំពុងឈរនៅចំណាត់ថ្នាក់ទី ១៥ នៅតារាង LaLiga៕
ប្រភព៖ Mirror