ប្រធានក្រុម Sergio Ramos រកបាន១គ្រាប់ ជួយក្រុម Real Madrid យកឈ្នះលើក្រុម Real Sociedad ក្នុងលទ្ធផល ២-១ ក្នុងការប្រកួត La Liga នៅយប់មិញនេះ។
១គ្រាប់របស់ខ្សែការពារអេស្ប៉ាញខ្លាំងលើនេះ បានធ្វើឱ្យក្រុម Real Madrid បានឱកាសឡើងទៅឈរនៅកំពូលតារាងជំនួសតំណែងរបស់ក្រុម Barcelona ហើយ។ មួយវិញទៀត ១គ្រាប់នោះដែរ ក៏បានធ្វើឱ្យ Ramos ក្លាយជាខ្សែការពាររកបាន៦៨គ្រាប់ ច្រើនជាងខ្សែការពារណាទាំងអស់ក្នុងប្រវត្តិសាស្ត្រលីគកំពូលអេស្ប៉ាញផងដែរ។
តែក្រោយពីរកបាន១គ្រាប់នៅយប់មិញនេះ Ramos ក៏បានរងរបួសជង្គង់ផងដែរ។ រូបគេត្រូវបានប្ដូរចេញនៅនាទី៥៩ ក្រោយពីប៉ះទង្គិចគ្នាជាមួយ Alexander Isak ។ គេមិនទាន់ច្បាស់ទេថារបួសជង្គង់នោះធ្ងន់ធ្ងរកម្រិតណា៕ប្រភព Marca