អតីតមិត្តចាស់នៅ Man Utd និងព័រទុយហ្គាល់របស់ Cristiano Ronaldo គឺ Nani បាននិយាយអំពីអនាគតនាពេលបន្ទាប់របស់ CR7 ដោយលោកជឿថារូបគេអាចនឹងផ្ទេរទៅកាន់ទ្រនំនៅទឹកដីសហរដ្ឋអាមេរិក។
ប្រាប់ ESPN ខ្សែប្រយុទ្ធស្លាប Nani និយាយ៖ “ប៉ុន្មានឆ្នាំមុន គាត់ធ្លាប់ប្រាប់ខ្ញុំថា គាត់អាចនឹងទៅចូលនិវត្តនៅសហរដ្ឋអាមេរិក ត្បិតវាមិនអាចថា ១០០ ភាគរយ តែវាក៏ទំនងអាចនឹងទៅរួច”។
Nani ដែលបច្ចុប្បន្នកំពុងបម្រើអាជីពនៅក្លឹប Orlando City ក្របខ័ណ្ឌ MLS បន្ថែម៖ “Cristiano Ronaldo នឹងស្វែងរកលីគដែលពោរពេញទៅដោយក្លឹបអស្ចារ្យ ហើយមានការរៀបចំជាមួយលក្ខខណ្ឌសមប្រកប ឥឡូវអ្នកមើលទៅ MLS គឺបានពង្រឹងជារៀងរាល់រដូវកាលហើយ”៕ ប្រភព៖ Marca