ចចាមអារ៉ាមជុំវិញការមកដល់របស់ Kai Havertz នៅទឹកដី Stamford Bridge គឺកាន់តែផ្ទុះខ្លាំងឡើងនារយៈពេលចុងក្រោយនេះ។ ប្រសិនការចរចាអាចប្រព្រឹត្តិទៅដោយជោគជ័យ ហើយ Havertz មិនចង់ប្រើជាន់លេខអាវ ២៩ ដែលកំពុងប្រើប្រាស់ដោយសំណាក់កីឡាករ Fikayo Tomori នៅ Chelsea នោះមានលេខអាវ ២ ផ្សេងទៀតដែលបម្រុងនឹងទំនេរ។
ជាអាវលេខ ១០ និងលេខ ១១ របស់ Willian និង Pedro ដែលពួកគេត្រូវផុតកុងត្រានៅបញ្ចប់រដូវកាល ២០១៩/២០ នេះ។ ដោយឡែកសម្រាប់អាវលេខ ៧ ដែលជានិច្ចកាលរមែងឃើញ Havertz ប្រើនៅជម្រើសជាតិគឺគ្រោងជាប់ឈ្មោះរបស់ N’Golo Kante តាំងពីជាង ៤ ឆ្នាំមុនរួចមកហើយ។
បង្វែរទៅឈុត ១១ នាក់ល្អបំផុត ដែល Chelsea អាចដាក់ឲ្យ Havertz ចូលលេងនោះគឺនៅតំណែងប្រយុទ្ធកណ្តាល អមដោយស្លាបឆ្វេង Odoi និងស្លាបស្តាំ Pulisic រីឯបម្រើប្រយុទ្ធដាក់ជើងថ្មី Ziyech។ នៅបម្រើការពារគឺមិនអាចរំលងបានជាមួយ Kovacic និង Kante ហើយការពារក្រោម ៤ មាន Alonso, Rudiger, Zouma និង James អមដោយអ្នកចាំទីដៃទីមួយ Kepa ផងដែរ៕
ប្រភព៖ Sportsmole