លោក Setien អ្នកចាត់ការក្រុម Barcelona បានបញ្ជាក់ច្បាស់ថា Lionel Messi ជាសះស្បើយពីរបួសហើយ និងអាចចូលលេងបាល់ទល់ក្រុម Mallorca នៅចុងសប្ដាហ៍នេះ។
ក្របខណ្ឌ La Liga នឹងបើកដំណើរការវិញហើយចាប់ពីចុងសប្ដាហ៍នេះទៅ។ ដោយក្រុម Barcelona នឹងត្រូវប៉ះជាមួយក្រុម Mallorca ។ ជំនួបនេះដែរ ដំបូងឡើយគេមិនទាន់ច្បាស់ថាប្រធានក្រុម Messi បានចូលលេងឬអត់នោះទេ ព្រោះរូបគេមានរបួស។ តែដោយសារតែចូលហាត់ជាមួយក្រុមវិញបានហើយ ទើបបានជាលោក Setien ជឿជាក់ថាខ្សែប្រយុទ្ធអាហ្សង់ទីនអាចចូលលេងបាន។
ដោយឡែកសម្រាប់ Suarez វិញ លោកមិនទាន់ប្រាកដថាអាចលេងពេញឬយ៉ាងណាឡើយ ប៉ុន្តែកីឡាករអ៊ុយរុយហ្គាយ នឹងមាននាទីដើម្បីលេងមិនខាន ព្រោះរូបគេខកខានប្រកួតជាច្រើនខែមកហើយ៕ប្រភព Marca
