ក្រុម Chelsea សម្លឹងឃើញកីឡាករ Kai Havertz ម្នាក់ទៀត ដែលក្រុមចង់បាននិងដាក់តម្លៃទិញយក ដើម្បីបានមកលេងជាមួយ Werner ។
មានប្រភពជាច្រើនជឿជាក់ថា Chelsea បានយល់ព្រមទិញយក Werner បានហើយពីក្រុម Leipzig ក្នុងតម្លៃ៥៣លានផោន ដោយគ្រាន់តែចាំដល់ពេលប្រកាសផ្លូវការប៉ុណ្ណោះ។ ក្រោយពីស្ងាត់ការចុះផ្សាយនោះទៅ ពេលនេះ ក៏ស្រាប់តែមានដំណឹងមកថ្មីមួយទៀត គឺក្រុមរបស់លោក Lampard ទាក់ទងចង់បាន Kai Havertz ពីក្រុម Bayer Leverkusen ទៀតហើយ។
ខ្សែប្រយុទ្ធវ័យក្មេងរបស់អាល្លឺម៉ង់ខាងលើនេះ កំពុងត្រូវបានក្លឹបជាច្រើនប្រជែងគ្នាយក។ សម្រាប់ក្រុមតោខៀវ វិញចង់បានដែរ ដោយបានដាក់តម្លៃខ្លួនគេដល់ទៅ៧១លានផោន។ តែតម្លៃនេះ នៅមិនទាន់ប្រាកដថាពិតជាទិញបានឬអត់ឡើយ ព្រោះក្រុមធំៗជាច្រើនចង់ដាក់តម្លៃស្រដៀងគ្នានេះដែរ។ ប្រសិនបើទិញបានទៀតមែន នោះ Chelsea មានខ្សែប្រយុទ្ធអាល្លឺម៉ង់២នាក់ដែលសុទ្ធសឹងតែជាកីឡាករឆ្នើមៗហើយ៕ប្រភព Dailymail
