ខ្សែបម្រើ Miralem Pjanic បានបដិសេធទៅលេងឱ្យក្រុម PSG និង Chelsea ព្រោះរូបគេចង់ចាប់អាជីពទៅលេងនៅក្រុម FC Barcelona វិញ។
ខ្សែបម្រើខាងលើគ្រោងនឹងចាកចេញពីក្រុម Juventus នៅពេលចប់រដូវកាលនេះហើយ ព្រោះចង់បានបទពិសោធន៍ថ្មី។ ដោយក្នុងនោះ មានក្លឹបជាច្រើនចង់បានរូបគេ ដោយ PSG បានដាក់តម្លៃខ្លូនស្នើមកហើយ ប៉ុន្តែត្រូវបានសាមីខ្លួនបដិសេធ។ កីឡាករបូស្នីនេះ មានបំណងចង់ទៅលេងនៅ Barcelona ឯណោះ ដែលជាក្លឹបចង់បានរូបគេដែរ។
យ៉ាងណា ក្រុម Juventus ចង់យកPjanic នេះទៅដោះដូរជាមួយក្រុម Barcelona យកកីឡាករ Arthur Melo។ តែការដោះដូរកីឡាករគ្នានេះដែរ មិនទាន់កើតមានឡើងឡើយ ព្រោះ Arthur មិនចង់មកលេងនៅអ៊ីតាលីឡើយ៕ប្រភព Dailymail
