កីឡាករ Diego Costa បានបង្ហាញខ្លួននៅតុលាការក្នុងទីក្រុងម៉ាឌ្រីតកាលពីម្សិលមិញនេះ ដើម្បីផ្ដល់សច្ចាប័នលើកិច្ចព្រមព្រៀងដែលរូបគេធ្វើជាមួយអាជ្ញាធរអេស្ប៉ាញ រឿងករណីមិនព្រមបង់ពន្ធកន្លងទៅ។
ប្រភពនៅអេស្ប៉ាញបានបញ្ជាក់ថា Costa ត្រូវជាក់គុកដល់ទៅ៦ខែរឿងគេចពន្ធនេះ ប៉ុន្តែរូបគេមិនត្រូវបញ្ជូនទៅគុកឡើយ ព្រោះបានព្រមបង់ពិន័យបន្ថែមដើម្បីនៅក្រៅឃុំ។ ការគេចមិនព្រមបង់ពន្ធនោះ ត្រូវបានអាជ្ញាធរអេស្ប៉ាញពិន័យ ៤៥០ ០០០ផោន ហើយរូបគេត្រូវបន្ថែម ៣២ ០០០ផោនទៀត ក្នុងការមិនចូលគុក៦ខែ។ ដូច្នេះមានន័យថា Costa ត្រូវបង់ប្រាក់ពិន័យសរុប ៤៨២ ០០០ផោនដើម្បីបញ្ចប់រឿងគេចពន្ធនេះ។
សូមបញ្ជាក់ថា Costa គេចមិនបង់ពន្ធនេះ គឺមាន២ករណី។ ដោយករណីទី១ គឺកាលពីគេផ្លាស់ពីក្រុម Atletico Madrid ទៅលេងនៅ Chelsea កាលពីឆ្នាំ២០១៤កន្លងទៅ និង១ករណីទៀតទៅលើរឿងសិទ្ធិលក់រូបថតរបស់ខ្លួន៕ប្រភព Dailymail