ខ្សែការពារហូឡង់មួយរូប គឺលោក Bert Konterman បានទម្លាយនៅពេលថ្មីៗនេះថា កាលពីឆ្នាំ ២០០០ មុនផ្លាស់ទៅចូលរួមនៅក្លឹប Rangers លោកក៏ធ្លាប់ទទួលបានសំណើពី Real Madrid ផងដែរ តែបដិសេធមិនទៅចូលរួម។
អតីតកីឡាករវ័យ ៤៩ ឆ្នាំ មុនផ្លាស់ទៅ Rangers នាឆ្នាំ ២០០០ គឺលោកបម្រើអាជីពនៅក្លឹប Feyenoord។
លោកបាននិយាយនៅកម្មវិធី Talkin Fitbaw ថា៖ “នៅរដូវក្តៅកាលនោះ Real Madrid ដាក់សំណើតម្លៃខ្លួន ២០ លានសម្រាប់ខ្ញុំ ដោយពេលនោះគឺមានលោក Leo Beenhakker ជាគ្រូខ្ញុំ ហើយគាត់ក៏ធ្លាប់ជាគ្រូនៅ Rela ដែរ”។
លោកបន្ថែម៖ “គាត់និយាយថា Real Madrid ចង់បានខ្ញុំ ដោយពេលនោះក្នុងការគិតរបស់ខ្ញុំគឺមានតែចង់ផ្ទេរទៅក្លឹបនៅអាល្លឺម៉ង់ឬខាងប៉ែកអង់គ្លេសទេ ព្រោះខ្ញុំអាចនិយាយភាសាអង់គ្លេសនិងអាល្លឺម៉ង់បានល្អ ហើយសម្រាប់អេស្ប៉ាញគឺខ្ញុំពិបាកខ្លាំងណាស់ ជាពិសេសការផ្ទេរទៅក្លឹបដ៏ធំបែបនោះទៀត ខ្ញុំមិនរីករាយនឹងការរៀនភាសាអេស្ប៉ាញឡើយ”៕
ប្រភព៖ Marca