អតីតកីឡាករ Claudio Marchisio របស់សេះបង្កង់ បាននិយាយថាវត្តមាននៃ Mauro Icardi មកកាន់ទឹកដី Turin គឺជារឿងមួយដែលខ្លួនចង់ឃើញខ្លាំងបំផុត។
Icardi កំពុងស្ថិតក្រោមការចរចា ជាមួយភាគីខាងក្លឹប PSG ថាព្រមក្នុងការសម្រេចទិញយករូបគេ ឬព្រលែងឲ្យទៅក្លឹបចាស់ Inter Milan វិញ ក្រោយខ្ចីជើងរយៈពេល ៦ ខែ។
ពាក់ព័ន្ធនឹងរឿង Marchisio និយាយ៖ “Icardi នៅ Juve? ខ្ញុំគិតថាគេនឹងធ្វើបានល្អខ្លាំងណាស់ ព្រោះគេជាកីឡាករដ៏ល្អមួយរូបនិងនៅមានការរីកចម្រើបន្តថែមទៀត”។
លោកបន្ថែម៖ “ដោយគេគួរតែស្វែងរកបរិយាកាសដ៏ត្រឹមត្រូវមួយ យ៉ាងណាមិញយើងនឹងរង់ចាំមើលថាតើទីផ្សារដោះដូរនឹងទៅជាបែបណានៅឆ្នាំនេះ ខណៈខ្ញុំគិតថាវាប្រហែលមមាញឹកខ្លាំងហើយសម្រាប់អ្នកចាត់ការរាល់គ្នា”៕
ប្រភព៖ AF