Felix ​រង​របួស​អំឡុង​ពេល​ហ្វឹកហាត់ ​អាច​សម្រាក​យ៉ាង​តិច​៣​សប្ដាហ៍​

​Joao Felix ​បាន​រង​របួស​ជង្គង់​ខាង​ឆ្វេង​របស់​ខ្លួន ​អំឡុង​ពេល​ហ្វឹកហាត់​កាល​ពី​ថ្ងៃ​ចន្ទ​កន្លង​ទៅ​នេះ ​ដែល​អាច​នឹង​ធ្វើ​ឱ្យ​រូបគេ​អវត្តមាន​យ៉ាង​តិច​៣​សប្ដាហ៍​ទៅ​មុខ​ទៀត។

​ក្រុម Atletico Madrid ​ចាប់​ផ្ដើម​សម្រុក​ហ្វឹកហាត់​ខ្លាំង ​ក្រោយ​ពី​មាន​ដំណឹង​ថា La Liga ​នឹង​ត្រលប់​មក​វិញ​នៅ​ពាក់​កណ្ដាល​ខែ​ក្រោយ​នេះ​។ ​តែ​សំណាង​មិន​ល្អ ការ​ហ្វឹកហាត់​កាល​ពី​ម្សិលមិញ​នេះ​បាន​ធ្វើ​ឱ្យ​ខ្សែ​ប្រយុទ្ធ​សំខាន់​ម្នាក់​របស់​ពួកគេ​រង​របួស​ជង្គង់​ទៅ​ហើយ។ ​Felix ​កីឡាករ​វ័យ​ក្មេង ​លេង​ល្អ​មិន​អាច​ខ្វះ​បាន​របស់​លោក Simeone ​រង​របួស ដែល​អាច​សម្រាក​ដល់​ទៅ​៣​សប្ដាហ៍។

សម្រាប់​ការ​អវត្តមាន​៣​សប្ដាហ៍​នេះ ​ប្រសិន​បើ​របួស​របស់​គេ​អាច​ជា​សះស្បើយ​បាន​លឿន ​នោះ​ល្មម​ដល់​ពេល​បើក​រដូវ​កាល​វិញ ​រូបគេ​អាច​ចូល​លេង​វិញ​ដែរ​ហើយ។ ​នេះ​ជា​រដូវ​កាល​ដំបូង​របស់ Felix ​ក្នុង​ការ​លេង​ឱ្យ AT Madrid ​។ ​តែ​លទ្ធផល​ហាក់​ដូចជា​មិន​ទាន់​ល្អ​ខ្លាំង​ទេ ព្រោះ​ពួកគេ​ហាក់​ដូចជា​ដាច់​ឆ្ងាយ​ក្នុង​តារាង La Liga ​ទៅ​ហើយ៕ប្រភព Marca

ភ្ជាប់ទំនាក់ទំនងជាមួយ CTS SPORT
  • អត្ថបទថ្មី