Wagner Ribeiro ភ្នាក់ងារជនជាតិប្រេស៊ីល និងជាអ្នកជិតស្និទ្ធជាមួយ Neymar បានបង្ហើបថាខ្សែប្រយុទ្ធរូបនេះ នឹងមិនចាកចេញទៅណាចោល PSG នោះទេ។
បញ្ហាមេរោគ Covid-19 ដែលធ្វើឱ្យសេដ្ឋកិច្ចក្លឹបធំៗ ប៉ះពាល់ខ្លាំងនោះ នឹងធ្វើឱ្យទីផ្សារដោះដូរកីឡាករខាងមុខនេះ មានបញ្ហាដូចគ្នា។ ក្លឹបធំៗនឹងមិនចំណាយប្រាក់ច្រើនដើម្បីនាំយកកីឡាករថ្មីចូលក្រុមនោះទេ។ កត្ដានេះហើយ ទើបបានជាលោក Wagner មើលឃើញថា Neymar នឹងមិនត្រូវបានក្លឹបណាមួយហ៊ានចំណាយប្រាក់ដល់ជាង១០០លានផោនដើម្បីទិញយកឡើយ។
“ខ្ញុំគិតថា Neymar នឹងបន្ដលេងនៅ PSG ទៀត ព្រោះCovid-19 បានធ្វើឱ្យទីផ្សារដោះដូរកីឡាករប្លែកជាងមុន។ សេដ្ឋកិច្ចក្នុងវិស័យបាល់ទាត់ពិភពលោកនឹងប្រែប្រួល។ ក្លឹបមិនអាចចំណាយច្រើនដូចរាល់ដងនោះទេ”។ សម្ដីរបស់លោក Wagner Ribeiro៕ប្រភព Marca
