Barcelona កាន់តែកៀកជិតក្នុងការចុះហត្ថលេខាព្រមព្រៀងទទួលយក Miralem Pjanic និង Mattia de Sciglio ពីសំណាក់ក្លឹប Juventus ហើយ។ នេះបើតាមរបាយការណ៍ពីសារព័ត៌មាន Sport បានចុះផ្សាយ។
ក្នុងកិច្ចព្រមព្រៀងដ៏មិនគួរឲ្យជឿមួយនោះ គឺភាគីខាងសេះបង្កង់ព្រមផ្តល់ជូនកីឡាករទាំងពីររូបខាងលើរបស់ខ្លួន បូកជាមួយនឹងទឹកប្រាក់ប្រមាណ ២៥ លានអឺរ៉ូផ្សេងទៀត ដើម្បីតែចង់បានកីឡាករមួយរូបគត់ពី Barcelona គឺខ្សែការពារក្រោយ Nelson Semedo។
តាមប្រភពបានឲ្យដឹងថា ភាគីខាង Barcelona យល់ឃើញថាតម្លៃខ្លួនរបស់ Semedo នៅតែស្ថិតនៅតម្លៃដ៏ខ្ពស់មួយ ហើយគេក៏ជាចំណែកដ៏សំខាន់របស់ក្រុម។
បើធៀបនឹង Pjanic តាមពិតទៅ កីឡាករសញ្ជាតិបូស្នីក៏នៅមានគុណភាពល្អហើយអាយុបង Semedo តែ ២ ឆ្នាំប៉ុណ្ណោះ រីឯ De Sciglio អាចរាប់ថាជាកីឡាករក្រៅប្រព័ន្ធរបស់សេះបង្កង់។
បច្ចុប្បន្នគឺរង់ចាំតែការសម្រេចរបស់សាមីខ្លួន Semedo តែប៉ុណ្ណោះ ថារូបគេព្រមមកចូលរួមនៅទីក្រុង Turin ជាមួយនឹង Juventus ដែរឬយ៉ាងណា។ ប្រសិនសំណើនេះជោគជ័យ Barcelona ក៏នឹងទទួលបានថវិកាមួយផ្នែក ដើម្បីលៃលកក្នុងការនាំយក Martinez មកកាន់ទឹកដី Camp Nou ផងដែរ៕
ប្រភព៖ BeSoccer