ក្រុម Sampdoria បានធ្វើតេស្ដកីឡាករក្នុងក្រុមទាំងអស់មុនពេលបើកដំណើរការប្រមូលផ្ដុំហ្វឹកហាត់ តែលទ្ធផលចេញមកមានកីឡាករដល់៤នាក់ផ្ទុកមេរោគ Covid-19 ។
លីគ Serie A បានប្រកាសឱ្យក្លឹបទាំងអស់កោះហៅកីឡាករដើម្បីធ្វើតេស្ដមុនពេលប្រមូលផ្ដុំហ្វឹកហាត់ ក្រោយពីមានដំណឹងថានៅខែក្រោយនេះ អាចបើកដំណើរការប្រកួតវិញបាន។ នៅពេលធ្វើតេស្ដនោះដែរ ក្លឹប Sampdoria បានរកឃើញថាកីឡាកររបស់ខ្លួនដល់ទៅ៤នាក់ឯណោះដែលផ្ទុកមេរោគ Covid-19 ។
ក្នុងចំណោម៤នាក់នោះ មានម្នាក់ដែលធ្លាប់ឆ្លងមេរោគ Covid-19 និងជាសះស្បើយវិញហើយ តែឥឡូវរកឃើញថាមានផ្ទុកមេរោគនេះឡើងវិញ។ មិនត្រឹមតែក្លឹបមួយនេះទេ Fiorentina ក៏ប្រកាសថារកឃើញ៦ករណីក្នុងក្លឹបរបស់ខ្លួនផងដែរ ដោយក្នុងនោះមានកីឡាករ៣នាក់៕ប្រភព ៖ GOAL
