«បើមិនស្រលាញ់ ចងពារធ្វើអ្វី» ភ្នាក់ងាររបស់ Donny van de Beek អះអាងថា Man Utd កំពុងរារាំងការផ្ទេរទៅកាន់ក្លឹបគូប្រជែងនៅ EPL

ខ្សែបម្រើសញ្ជាតិហូឡង់វ័យ២៧ឆ្នាំបានស៊ូទ្រាំនឹងពេលវេលាដ៏គួរឱ្យរន្ធត់មួយចាប់តាំងពីបានចូលរួមជាមួយបិសាចក្រហមក្នុងកិច្ចព្រមព្រៀងតម្លៃ ៤០លានផោនពី Ajax តាំងពីឆ្នាំ២០២០ ដោយស្ទើរតែមិនបានលេងក្រោមការដឹកនាំរបស់អ្នកចាត់ការផ្សេងៗគ្នា រួមទាំង Erik ten Hag ផងដែរ។ Van de Beek ត្រូវ​បាន​ក្លឹបចាត់​ទុក​ជា​​ថាលើស​ពី​តម្រូវ​ការ​នៅ​ដើម​រដូវ​កាល​នេះ ប៉ុន្តែ​មិន​សម្រាប់លក់។ ក្រោយមកគាត់បានចូលរួមជាមួយ Eintracht Frankfurt ក្នុងលក្ខខណ្ឌខ្ចីជើងក្នុងខែមករា ប៉ុន្តែក្លឹប Bundesliga មិនមានចំណាប់អារម្មណ៍ក្នុងការចុះហត្ថលេខាលើគាត់ជាអចិន្ត្រៃយ៍ទេ។

Man United នឹងព្យាយាមដក Van de Beek ឱ្យបានល្អក្នុងទីផ្សារដោះដូរកីឡាករនាពេលខាងមុខ។ ទោះបីជាយ៉ាងណាក៏ដោយ ភ្នាក់ងាររបស់គាត់គឺលោក Guido Albers បានបង្ហើបថាក្លឹបមិនចង់ឱ្យគាត់ចូលរួមជាមួយគូប្រជែងក្នុងស្រុកនោះទេ។

ថ្លែងនៅលើ ESPN លោក Albers ដែលកំពុងធ្វើការជាមួយ Van de Beek ម្តងទៀតបាននិយាយថា៖

“សម្រាប់ខ្ញុំ វាគឺជាពេលវេលាដ៏ល្អមួយក្នុងអាជីពរបស់គាត់ក្នុងការជ្រើសរើសវាម្តងទៀត។ យើងបាននិយាយជាមួយគ្នាថា “ត្រឡប់ទៅភាពដើមវិញ” ។ គាត់បានបាត់បង់ក្នុងប៉ុន្មានឆ្នាំថ្មីៗនេះ គាត់ចង់លេង និងពិតជាចង់លេងណាស់ ។

“ខ្ញុំបានឈានដល់កិច្ចព្រមព្រៀងជាមួយ Frankfurt សម្រាប់គាត់។ Frankfurt នៅតែមានជម្រើសរហូតដល់ថ្ងៃទី ៣០ ខែមិថុនា, ជាផ្លូវការឥឡូវនេះគាត់នឹងត្រលប់ទៅ Manchester United ហើយឥឡូវនេះខ្ញុំកំពុងពិភាក្សាជាមួយគាត់។ Donny មិនចង់បន្តនៅ Premier League ទេ ព្រោះ Man United មិនចង់បានគាត់នោះទេ។ នោះមិនមែនជាជម្រើសដ៏ល្អសម្រាប់គាត់ទេ។ គាត់ត្រូវការត្រលប់ទៅក្លឹបដែលអាចឱ្យគាត់លេងបាល់បានល្អឡើងវិញ។ តែទោះក្នុងកាលៈទេសៈណាក៏ដោយ គាត់នឹងមិនត្រលប់ទៅ Ajax វិញដាច់ខាត។

 

ប្រភព បរទេស

 

ភ្ជាប់ទំនាក់ទំនងជាមួយ CTS SPORT