ក្រុម Newcastle United កំពុងតាមចែចូវយកខ្សែប្រយុទ្ធ Philippe Coutinho មករួមក្រុមនារដូវកាលក្រោយនេះ បន្ទាប់ពីឃើញតម្លៃខ្លួនរបស់គេធ្លាក់ចុះខ្លាំង។
Newcastle តាំងពីបានម្ចាស់ថ្មីជាសេដ្ឋីប្រាក់វាល់លានមក ពួកគេបានដាក់គោលដៅ និងរៀបចំផែនការជាច្រើនសម្រាប់រដូវកាលក្រោយនេះ។ ជាក់ស្ដែង ការចង់បានអ្នកចាត់ការថ្មី និងកីឡាករល្បីៗក៏មានច្រើនឡើងផងដែរ។ តាមគម្រោង Newcastle នឹងយក Pochettino អតីតគ្រូបង្វឹកក្រុម Spurs មកដឹកនាំក្រុម។
ដោយឡែកសម្រាប់កីឡាករទី១ដែលពួកគេចង់បានវិញ គឺ Coutinho ដែលជាកីឡាករឆ្នើមម្នាក់កាលនៅ Liverpool ប៉ុន្តែទៅលេងនៅ Barcelona ហាក់ដូចជាធ្លាក់ជើងទៅវិញ។ តម្លៃខ្លួនរបស់កីឡាករប្រេស៊ីលរូបនេះ ត្រូវបានគេដឹងថាអាចត្រឹម៥០លានផោនអី គឺក្រុមអ្នកមានបុណ្យព្រមលក់ចេញហើយ ព្រោះពេលនេះក្លឹបជាច្រើនមិនចាប់អារម្មណ៍លើរូបគេទៀតទេ៕ប្រភព ៖ Dailmail
