កីឡាករ Philippe Coutinho ហាក់ដូចជាធ្លាក់តម្លៃខ្លួនខ្លាំងមែនទែន ក្រោយពីផ្លាស់ទៅលេងនៅ Barcelona និងត្រូវក្រុម Bayern Munich ខ្ចីជើងកាលពីពេលកន្លងទៅ។
កីឡាករប្រេស៊ីល ផ្លាស់ទៅលេងនៅក្រុមអ្នកមានបុណ្យក្នុងតម្លៃជាង១០០លានផោន។ តែការទៅលេងនៅអេស្ប៉ាញនោះ មិនជោគជ័យឡើយ ទើបត្រូវក្រុម Barcelona ដាក់ឱ្យក្លឹប Bayern Munich ខ្ចីជើង។ ទៅលេងនៅអាល្លឺម៉ង់ ខ្សែបម្រើប្រយុទ្ធរូបនេះនៅតែមិនល្អដដែល ដោយក្រុម Bayern Munich មិនព្រមទិញផ្ដាច់នោះទេ គឺឱ្យរូបគេមក Barcelona វិញ។
ក្រុមអ្នកមានបុណ្យបានដាក់តម្លៃខ្លួនគេ ៨០លានផោន។ តម្លៃនេះ គ្មានក្លឹបណាមួយចាប់អារម្មណ៍ឡើយព្រោះថ្លៃខ្លាំងពេក មិនសមនឹងទម្រង់លេងបច្ចុប្បន្ន។ រហូតដល់ពេលនេះ មានដំណឹងមកថា Barcelona បញ្ចុះមកដល់ត្រឹម៥០លានផោនប៉ុណ្ណោះ ដើម្បីលក់ឱ្យចេញនៅរដូវកាលដោះដូរខាងមុខ។ តម្លៃនេះ អាចនឹងធ្វើឱ្យក្លឹបនៅអង់គ្លេស ដូចជា Chelsea ជាដើមនោះ អាចនឹងទាក់ទងដើម្បីនាំយកអតីតកីឡាករ Liverpool ត្រលប់ទៅអង់គ្លេសវិញហើយ៕ប្រភព Marca
