ភរិយារបស់ Angle di Maria គឺអ្នកនាង Jorgelina Cardoso បានសើរើរឿងចាស់គ្រាប្តីរបស់ខ្លួនចាកចេញពី Real Madrid មកចូលរួមនៅ Man Utd នៅឆ្នាំ ២០១៤ ដែលថាកាលនោះមានពាក្យល្ហិចល្ហៀងចេញពីទឹកដីអេស្ប៉ាញថាពួកគេជាមនុស្សមុខលុយ។
អ្នកនាង Cardoso មិនបានប្រកែកនឹងពាក្យតិះដៀលនោះឡើយ ហើយបានពន្យល់បែបនេះថា៖ “Angle បានលេងនៅក្លឹបដ៏ល្អបំផុតមួយក្នុងលោក ដោយអាកាសធាតុនៅ Madrid គឺល្អ អាហារក៏ឆ្ងាញ់ តែពេលមួយគាត់ដើរមកប្រាប់ខ្ញុំ ថាទទួលបានសំណើពីក្លឹប Manchester”។
អ្នកនាងបន្ថែម៖ “គាត់បានប្រាប់ថាយើងត្រូវតែទៅ ហើយក៏ដឹងថាមានលុយជាច្រើនដែលរង់ចាំយើង ហើយមានពាក្យនិយាយចេញពីអេស្ប៉ាញហៅយើងថាជាមនុស្សមុខលុយ ប្រាកដហើយយើងគឺបែបហ្នឹងមែន តែអ្នកត្រូវដឹងថាប្រសិនយើងធ្វើការនៅក្រុមហ៊ុនមួយ ហើយមានក្រុមហ៊ុនគូប្រជែងហ៊ានមកផ្តល់ជូនយើងទ្វេដង នោះអ្នកក៏ប្រាកដជាទៅដែរ”៕ ប្រភព៖ Marca
