ក្លឹប Manchester United ត្រូវបានរាយការណ៍ថានឹងផ្តល់ជូនអាវលេខពិសេស នោះគឺលេខ ៧ សម្រាប់កីឡាករ Jadon Sancho ប្រសិនណាយុវជនរូបនេះព្រមព្រៀងដើរចេញពី Dortmund និងផ្លាស់មកកាន់ទឹកដី Old Trafford។
ក្នុងការប្រកួតប្រជែងលើទីផ្សារដោះដូរ United ត្រូវតតាំងជាមួយ Chelsea, Real Madrid និង Barcelona ដែលសុទ្ធសឹងជាក្លឹបពុះកញ្រ្ជោលចង់បានយុវជនអង់គ្លេសដូចៗគ្នា។
នៅ ២៣ ប្រកួតសរុបក្នុងក្របខ័ណ្ឌ Bundesliga រដូវកាល ២០១៩/២០ Sancho ចូលរួមចំណែករកគ្រាប់បាល់+Assist ដល់ទៅ ៣០ គ្រាប់ឯណោះឲ្យក្លឹប។
ប្រភពពី Mirror ចុះផ្សាយថា បិសាចក្រហមនឹងហ៊ានឲ្យលេខអាវសំខាន់ ដែលធ្លាប់គ្រងដោយជើងចាស់កំពូលៗដូចជា George Best, Bryan Robson, Eric Cantona, David Beckham និង Cristiano Ronaldo ឲ្យទៅ Sancho។ នេះទំនងជាដកចេញពី Alexis Sanchez ដែលបច្ចុប្បន្នកំពុងខ្ចីជើងនៅក្លឹប Inter Milan៕
ប្រភព៖ Sportsmole