ក្របខណ្ឌ Premier League កំពុងរៀបចំ កំណត់ពេលវេលា ច្បាស់លាស់ ដើម្បីចូលលេងលីគវិញហើយ ក្រោយពីផ្អាកជាច្រើនសប្ដាហ៍មកនេះដោយសារមេរោគ Covid-19។
ជាមួយការត្រលប់មកវិញនេះដែរ Premier League ក៏កំពុងពិចារណាដើម្បីដាក់ច្បាប់ថ្មីមួយ ដោយអាចប្ដូរកីឡាករបានដល់៥នាក់ក្នុងមួយប្រកួតផងដែរ។ ការដាក់ឱ្យប្ដូរបានច្រើនយ៉ាងនេះ គឺដើម្បីឱ្យក្រុមអាចប្ដូរកីឡាករចូលលេងបានច្រើននាក់ កុំឱ្យម្នាក់ៗហត់ខ្លាំងពេក។ នៅពេលត្រលប់មកវិញនោះ គឺអាចនឹងលេង៣ថ្ងៃ២ប្រកួត ដើម្បីបញ្ចប់រដូវកាលឱ្យបានឆាប់តាមកាលវិភាគ។
រំលឹកថាលីគកំពូលអង់គ្លេសនេះ ក្រុម Liverpool សឹងតែលើកពានរង្វាន់ទៅហើយ ដោយនៅសល់តែ២ប្រកួតទៀតប៉ុណ្ណោះអាចលើកពានបាន។ តែដោយសារមេរោគ Covid-19 វាយលុក ទើបបានជាត្រូវផ្អាកសិនរហូតមកដល់ពេលនេះ៕ប្រភព Dailymail