ក្របខណ្ឌ Premier League នឹងចាប់ផ្ដើមប្រមូលផ្ដុំហ្វឹកហាត់វិញ នៅថ្ងៃទី១៨ខែក្រោយនេះ មុនពេលអាចបើកការប្រកួតវិញបាន។
អង់គ្លេស រងផលប៉ះពាល់ខ្លាំងដែរដោយមេរោគ Covid-19 ដែលសឹងតែធ្វើឱ្យវិស័យបាល់ទាត់ត្រូវរំសាយចោលទៅហើយ។ តែដោយសារបើរំសាយ Premier League ត្រូវសងសិទ្ធិលក់ផ្សាយវិញជាង១ពាន់លានដុល្លារនោះ ទើបពួកគេព្យាយាមគ្រប់បែបយ៉ាងដើម្បីឱ្យបើកដំណើរការវិញបាន។ កាលពីម្សិលមិញ ប្រភពនៅអង់គ្លេសបានបញ្ជាក់ថាថ្នាក់ដឹកនាំ បានប្រាប់ថាក្លឹបទាំងអស់អាចប្រមូលផ្ដុំហ្វឹកហាត់វិញបាន នៅថ្ងៃទី១៨ខែឧសភាឆ្នាំ២០២០នេះហើយ។
ក្រោយពីធ្វើការហ្វឹកហាត់ពីថ្ងៃទី១៨ទៅ បាន៣សប្ដាហ៍ ក្របខណ្ឌ Premier League នឹងពិចារណាម្ដងទៀត ដើម្បីបើកការប្រកួតវិញ។ ដោយការប្រកួតនោះ ត្រូវធ្វើឡើងដោយបិទទ្វាមិនឱ្យអ្នកគាំទ្រចូលទស្សនានោះទេ៕ប្រភព Dailymail
