ព្រឹត្តិការណ៍ប្រដាល់ក្នុងទ្រុង UFC 249 ត្រូវរំសាយចោលវិញហើយ ក្រោយពីថ្នាក់ដឹកនាំស្ថាប័ន Disney និង ESPN បានស្នើសុំឱ្យផ្អាកការប្រកួតនេះ។
ការប្រកួត UFC នេះ មានការនិយាយជជែកជាច្រើន ព្រោះថាលោក Dana White ដែលជាប្រធានស្ថាប័ននេះចង់ឱ្យមានការប្រកួតនេះកើតឡើង បើទោះជាស្ថានភាពបច្ចុប្បន្នមិនអំណោយផលក៏ដោយ។ លោក White ដំបូងឡើយគ្រោងធ្វើការប្រកួតនេះ ដោយមិនមានអ្នកគាំទ្រ ដើម្បីបានឱកាសបន្ដផ្ទាល់ឱ្យអ្នកគាំទ្រតាមផ្ទះបានទស្សនា។ តែដោយសារមានការស្នើសុំ និងនិយាយជជែកច្រើនគ្នាមក ពេលនេះលោក White ក៏សម្រេចរំសាយការប្រកួត UFC 249 ចោលហើយ។
រំលឹកថា UFC ជាព្រឹត្តិការណ៍ប្រដាល់ក្នុងទ្រុងដែលមានប្រជាប្រិយភាពបំផុតមួយនៅលើលោកនេះ។ ក្នុងឆ្នាំ២០២០នេះ ពួកគេមាន៤២ Events ជាមួយកុងត្រាលក់សិទ្ធិផ្សាយរហូតដល់៦០៥លានផោនឯណោះ៕ប្រភព៖ DailyMail