Rio Ferdinand បានរំលឹកថានៅគ្រាមួយនោះ រូបគេសឹងតែចាកចេញពីក្រុម Manchester United ដើម្បីទៅចូលរួមជាមួយក្រុម FC Barcelona ទៅហើយ។អតីតកីឡាករល្បីឈ្មោះនៅតំបន់ការពារកណ្ដាលនេះ បានចំណាយពេល១២ឆ្នាំលេងនៅ Old Trafford ។ អំឡុងឆ្នាំ២០០៨ គ្រាដែលរូបគេលេងឡើងជើងខ្លាំងបំផុតនោះ មានក្លឹប Barcelona បានទាក់ទង និងផ្ដល់តម្លៃពលកម្មច្រើនមែនទែន ដើម្បីឱ្យរូបគេចាកចេញទៅអេស្ប៉ាញ។ តែដោយសារតែការស្រលាញ់ និងពេញចិត្ត Man Utd ខ្លាំងពេក ទើបរូបគេមិនព្រមចាកចេញទៅ។
Rio បាននិយាយថា៖ “នៅពេលនោះ ភ្នាក់ងាររបស់ខ្ញុំ បានសួរខ្ញុំថាចង់ចាកចេញទៅលេងនៅក្រៅប្រទេសឬអត់ Barcelona ចង់បានខ្ញុំទៅ។ ខ្ញុំនៅពេលនោះ ពិតជាចង់ទៅលេងនៅក្រៅប្រទេសជាខ្លាំង ប៉ុន្តែគិតចុះគិតឡើង ការបានលេងនៅក្លឹបដែលយើងស្រលាញ់ពីក្មេងមកហើយនោះ គឺពិបាកក្នុងការចាកចេញខ្លាំងណាស់។ ខ្ញុំក៏សម្រេចចិត្តលេងនៅ Old Trafford បន្ដទៀត ដោយច្រានចោលសំណើរបស់ Barcelona ”៕
ប្រភព៖ Goal