ខ្សែប្រយុទ្ធ Rodrygo របស់ក្រុម Real Madrid បានឈ្នះពានរង្វាន់កីឡាករក្មេងល្អបំផុតនៅលើលោកនេះ ដែលបានបោះឆ្នោតដោយក្រុមអ្នកកាសែតនានា។
ពានរង្វាន់នេះដែរ បានកំណត់អាយុកីឡាករត្រូវគិតចាប់ពីថ្ងៃទី១ខែមេសាឆ្នាំ២០០១មក។ ក្នុងនោះ Rodrygo របស់ក្រុម Rela Madrid និង Ansu Fati របស់ក្រុម Barcelona គឺជាបេក្ខភាពនាំមុខគេ។ តែក្រោយពីការជជែកវែកញែកគ្នាជាច្រើនមក ជាលទ្ធផលកីឡាករប្រេស៊ីលដែលទើបផ្លាស់មកក្រុមអធិរាជស បានឈ្នះពានរង្វាន់ខាងលើ ក្លាយជាកីឡាករក្មេងល្អបំផុតនៅលើលោកនេះ។
ដោយឡែកសម្រាប់កីឡាករ២នាក់ទៀតដែលបានចូលក្នុងតំបន់ Top4 ដែរនោះក៏សុទ្ធតែជាកីឡាករ Real Madrid ដែរ។ ទាំងពីរនាក់នោះគឺ Reinier Jesus និង Take Kubo ។ កាលពីឆ្នាំមុន អ្នកដែលឈ្នះពានរង្វាន់នេះគឺ Sancho របស់ក្រុម Dortmund ៕ប្រភព Marca
