អតីតវីរបុរសនៅតំណែងការពាររបស់ក្លឹប Manchester United គឺលោក Rio Ferdinand បានបង្ហាញការយល់ឃើញចំៗថាប្រសិន Paul Pogba ចង់ចាកចេញទៅ លោកសូមណែនាំឲ្យក្លឹបគួរលៃលកនាំយកកីឡាកររបស់ At Madrid មួយរូបចូល។
Pogba បានល្ហិចល្ហៀងថាចង់ចាកចេញពី Old Trafford តាំងពីរដូវក្តៅឆ្នាំទៅមកម្ល៉េះ ដោយមានទ្រនំ ២ រង់ចាំស្វាគមន៍គេ រួមមាន Real Madrid និង Juventus ដោយតម្លៃខ្លួនបច្ចុប្បន្នល្ហិចល្ហៀងថាធ្លាក់មកក្រោម ៥០ លានអឺរ៉ូទៅទៀត។
ក្រឡេកទៅមើលការយល់ឃើញរបស់ Ferdinand បាននិយាយតាមរយៈការ Live លើ Instagram ថា៖ “ខ្ញុំមិនចង់ឲ្យ Pogba ចាកចេញទេ តែប្រសិនគេត្រូវទៅពិតមែននោះ ខ្ញុំនឹងជ្រើសរើសយក Saul Niguez មកជំនួស ត្បិតមិនដូចគ្នា តែគេក៏នៅតែជាកីឡាករកំពូលមួយរូបដែរ”។
លោកបន្ថែម៖ “ខ្ញុំពេញចិត្ត Saul Niguez យូរហើយ ដោយគេជាប្រភេទកីឡាករជំនាញជើងឆ្វេង ខាងពូកែលេងចិត្តត្រជាក់ និងអាចរកគ្រាប់បាល់បានផងដែរ”៕
ប្រភព៖ Metro