សហព័ន្ធបាល់ទាត់អេស្ប៉ាញបានត្រៀមប្រាក់៥០០លានអឺរ៉ូ ដើម្បីជួយដល់ក្លឹបដែលកំពុងមានបញ្ហាហិរញ្ញវត្ថុដោយសារតែវិបត្តិមេរោគ Covid-19 នេះ។ប្រាក់នេះ នឹងជួយដល់ក្លឹបដែលបាត់បង់ចំណូល ដោយសារតែមិនមានការប្រកួតសោះ។ យ៉ាងណាមិញ ការជួយនេះគឺនឹងត្រូវយកមកវិញក្នុងរយៈពេល៥ឆ្នាំខាងមុខទៀត ដោយក្លឹបដែលស្នើយកប្រាក់ប្រើប្រាស់ នឹងត្រូវបង់បន្តិចម្ដងមកវិញក្នុងពេល៥ឆ្នាំ។ ក្លឹបបាល់ទាត់តូចៗក៏អាចស្នើយកប្រាក់នេះដែរ ប៉ុន្តែបានខ្ពស់បំផុតត្រឹមតែ៤លានអឺរ៉ូប៉ុណ្ណោះ។
អេស្ប៉ាញក៏មិនខុសពីអ៊ីតាលីឡើយ ពោលគឺមិនទាន់មានសញ្ញានៃការថយចុះអ្នកផ្ទុកមេរោគ Covid-19 នៅឡើយទេ។ ប្រទេសនេះមានអ្នកស្លាប់ជាង៤ពាន់នាក់ ក្លាយជាប្រទេសទី២មានអ្នកស្លាប់ច្រើនជាងចិន។ ដោយប្រទេសទីមួយនោះ គឺអ៊ីតាលីដែលមានអ្នកស្លាប់ច្រើនជាងគេ៕
ប្រភព៖ BBC