Jovic បានល្មើសច្បាប់ចាកចេញពីផ្ទះ ដើម្បីទៅចូលរួមពិធីខួបកំណើតមិត្តស្រីរបស់ខ្លួន ទាំងដែលរូបគេត្រូវនៅដោយឡែករយៈពេល១៤ថ្ងៃសិន។អាជ្ញាធរប្រទេសសែប បានអះអាងថាកីឡាករ Real Madrid ម្នាក់នេះ បានចាកចេញពីផ្ទះកន្លែងដែលរូបគេត្រូវនៅដោយឡែក១៤ថ្ងៃសិន ដើម្បីមានឱកាសបានជប់លៀងជាមួយមិត្តស្រីរបស់ខ្លួន។ ការល្មើសច្បាប់នេះ គេមិនទាន់ច្បាស់ថារូបគេនឹងត្រូវពិន័យប៉ុន្មាននោះទេ ប៉ុន្តែបើតាមសម្ដីរបស់ឪពុករបស់គេវិញ បញ្ជាក់ថាទោះពិន័យយ៉ាងណាក៏កូនប្រុសខ្លួនព្រមទទួលដែរ។
លោក Milan Jovic ដែលជាឪពុករបស់ Luka Jovic បាននិយាយថា៖ “គាត់ធ្វើតេស្ដ២ដងនៅអេស្ប៉ាញ ហើយលទ្ធផលអវិជ្ជមានទាំងពីរ។ ហេតុនេះហើយ ទើបគាត់មកសែប ដើម្បីបានចូលរួមខួបកំណើតមិត្តស្រីខ្លួន។ ហើយឥឡូវនេះ គាត់ត្រូវជាប់ទោស ប៉ុន្តែទោសនោះ ទោះជាធ្ងន់យ៉ាងណាក៏រូបគេទទួលដែរ ទោះត្រូវជាប់គុកក៏ដោយ”៕
ប្រភព៖ DailyMail