ក្រុម FC Barcelona ចង់ធ្វើការដោះដូរ ថែមលុយ ដ៏ធំមួយនៅរដូវកាលដោះដូរខាងមុខនេះ ដោយពួកគេចង់បញ្ចេញ Dembele និង Coutinho ដើម្បីយកបាន Neymar និង Martinez។
ក្រុមអ្នកមានបុណ្យ គិតថាកីឡាករទាំងពីរនាក់របស់គេ Dembele និង Coutinho គឺអាចល្មមគ្រប់គ្រាន់សម្រាប់ធ្វើការដោះដូរហើយ។ Barcelona ចង់បាន Martinez ពីក្រុម Inter Milan នារដូវកាលខាងមុខនេះ ដោយពួកគេនឹងយក Coutinho ដើម្បីធ្វើជាធ្នាក់ និងមានបន្ថែមលុយមួយចំនួនទៀត។ ស្របពេល Neymar វិញ ក្រុមនៅអេស្ប៉ាញខាងលើនៅចង់បានដដែល ប៉ុន្តែលើកនេះ គឺពួកគេយក Dembele កីឡាករបារាំងទៅដោះដូរ។
មិនត្រឹម២នាក់ខាងលើនេះទេ ដើម្បីបាន Neymar និង Martinez ប្រសិនបើក្លឹប PSG និង Inter Milan ត្រូវការកីឡាករដទៃទៀតក្នុងក្រុម Barcelona ក៏ក្លឹបដែលដឹកនាំដោយលោក Setien ជាអ្នកចាត់ការនេះ អាចនឹងព្រមធ្វើផងដែរ៕ប្រភព៖ Dailymail