តាមរបាយការណ៍ពី Corriere dello Sport បានចុះផ្សាយថាក្លឹបយក្ស Juventus បាននឹងកំពុងរងការប្រកួតប្រជែងនៅលើទីផ្សារដោះដូរជាមួយនឹងក្លឹបបារាំង PSG និងក្លឹបអង់គ្លេស Man City ក្នុងការដណ្តើមយកកីឡាករ Houssem Aouar របស់ក្លឹប Lyon។
សេះបង្កង់ Juve បានសម្លឹងឃើញខ្សែបម្រើសញ្ជាតិបារាំងយូរណាស់មកហើយ ដោយកន្លងទៅប្រធានក្លឹបលោក Jean-Michel Aulas ក៏ធ្លាប់បង្ហើបថាក្លឹបអាចនឹងពិចារណាលក់ចេញ Aouar ឲ្យទៅក្លឹបយក្សនៅអ៊ីតាលី។
យ៉ាងណាមិញមកទល់បច្ចុប្បន្នត្រូវបានគេដឹងថាមានក្លឹប ២ ផ្សេងទៀតដូចបញ្ជាក់ខាងលើ ក៏ចាប់អារម្មណ៍លើយុវជនឆ្នើមវ័យ ២១ ឆ្នាំរូបនេះដូចគ្នា ហើយតម្លៃចរចាអាចជាប្រហែលខ្ទង់ ៧០ លានអឺរ៉ូ។
រំឭកថាខ្សែបម្រើរូបនេះបង្ហាញខ្លួនបាន ៣៣ ប្រកួតសរុបទាំងក្នុងនិងក្រៅក្របខ័ណ្ឌឲ្យ Lyon រដូវកាលនេះ ហើយរកបាន ៨ គ្រាប់ហើយ៕ ប្រភព៖ AF