ក្រុមបិសាចក្រហម Manchester United កំពុងចាប់អារម្មណ៍លើខ្សែការពារ Samuel Umtiti របស់ក្រុម FC Barcelona ហើយអាចនឹងដេញថ្លៃយកនៅរដូវក្ដៅខាងមុខនេះ។
កីឡាករវ័យ២៦ឆ្នាំខាងលើនេះ បានចូលលេងឱ្យក្រុមអ្នកមានបុណ្យច្រើនរដូវកាលមកហើយ ប៉ុន្តែមិនទាន់អាចធានាបានកៅអីជម្រើស១១នាក់ដំបូងនៅឡើយទេ។ មានប្រភពបានបញ្ជាក់ថាក្លឹប Barcelona ក៏ចង់បញ្ចេញរូបគេក្នុងពេលឆាប់ៗដែរ ដើម្បីយកកៅអីស្វែងរកកីឡាករថ្មីទៀត។
ក្នុងឱកាសនោះ ក្រុមបិសាចក្រហម Manchester United កំពុងត្រៀមប្រាក់សម្រាប់ដេញថ្លៃយកកីឡាករបារាំងនេះ។ គេរំពឹងថានឹងយកបានក្នុងតម្លៃមិនខ្ពស់ពេកនោះទេ ព្រោះក្រុម Barcelona ផ្ទាល់ក៏ចង់លក់រូបគេចេញដែរ។ ការចង់បានតំបន់ការពារបន្ថែមនេះ គឺលោក Ole អ្នកចាត់ការក្រុម Man Utd ចង់ពង្រឹងបន្ថែមទៀត លើតំបន់ការពារ ដែលបច្ចុប្បន្ននៅមានចំណុចខ្វះខាតនៅឡើយ៕ប្រភព៖ Dailymail