កាលពីម្សិលមិញនេះ មានដំណឹងថាសណ្ឋាគារ The Pestana CR7 ត្រូវបាន Ronaldo យកទៅធ្វើជាកន្លែងសម្រាប់ជួយព្យាបាលអ្នកជំងឺ Covid-19 ហើយថែមទាំងចេញថ្លៃប្រាក់ខែពេទ្យដែលមកធ្វើការនៅកន្លែងនេះថែមទៀត។
ដោយសារតែរឿងនេះមានការចែករំលែកច្រើនខ្លាំងមែនទែនទៅ ពេលនេះភាគីខាងសណ្ឋាគារដែលមានទីតាំងនៅក្រុង Lisbon ប្រទេសព័រទុយហ្គាល់បានចេញមុខមកបដិសេធហើយ។ ពួកគេបានបញ្ជាក់ថាមិនមានទទួលដំណឹងពី Ronaldo ដើម្បីផ្លាស់ប្ដូរទៅជាមន្ទីរពេទ្យអ្វីនោះទេ ហើយពួកគេក៏បានបន្ថែមទៀតថា សណ្ឋាគារ ក៏មិនអាចក្លាយទៅជាមន្ទីរពេទ្យបានដែរ។
រំលឹកថានៅប្រទេសព័រទុយហ្គាល់ បច្ចុប្បន្ននេះមានករណីឆ្លងមេរោគ Covid-19 ចំនួន១៦៩នាក់ និងមិនមានករណីស្លាប់នោះទេ។ សាលារៀន និងកន្លែងកម្សាន្តក្នុងប្រទេសនេះ បានប្រកាសបិទទ្វាកាលពីម្សិលមិញនេះផងដែរ៕ប្រភព៖ Thesun