កីឡាកររបស់ក្រុម Sampdoria ៤នាក់ទៀត ត្រូវបានគេរកឃើញថាមានផ្ទុកមេរោគ Covid-19 ខណៈដែលលីគរបស់ប្រទេសអ៊ីតាលីបានសម្រាកទៅហើយ។
កីឡាករទាំង៤នាក់នោះរួមមាន Omar Colley, Albin Ekdal, Antonio La Gumina និង Morten Thorsby។ ពួកគេទាំង៤នាក់ ត្រូវបានគេរាយការណ៍ថាតេស្ដវិជ្ជមានសម្រាប់មេរោគ Covid-19 នេះ ហើយបច្ចុប្បន្នក្លឹបទាំងមូលបានផ្អាកសកម្មភាពទាំងអស់ និងសមាជិកត្រូវនៅម្នាក់ឯងសិន រង់ចាំមើលលទ្ធផលតេស្ដបន្ដទៀត។
រំលឹកថាអ៊ីតាលី ជាប្រទេសនៅអឺរ៉ុបរងគ្រោះខ្លាំងជាងគេបំផុតក្រោយពីផ្ទុះមេរោគ Covid-19 នេះ។ ពលរដ្ឋប្រមាណជាង១ពាន់នាក់បានស្លាប់ និងជាង១ម៉ឺននាក់ទៀតកំពុងផ្ទុកមេរោគនេះ៕ប្រភព៖ Marca
