Real Madrid បានរងបរាជ័យក្នុងដីរបស់ Real Betis នាលទ្ធផល ២-១ កាលពីយប់មិញ ដែលវាជាការចាញ់ដ៏មិនគួរឲ្យជឿមួយនិងខកចិត្តខ្លាំងបំផុតសម្រាប់អ្នកគាំទ្រក្លឹបទាំងមូល។
ថ្លែងក្រោយបញ្ចប់ការប្រកួត ទន្ទឹមនឹងការបាត់បង់ ៣ ពិន្ទុដែលអនុញ្ញាតឲ្យ Barca អាចរំកិលទៅកំពូលតារាង ក៏ត្រូវបានខ្សែបម្រើ Casemiro សង្កត់ធ្ងន់ថាក្លឹប Real Madrid ប្រឈមអាចនឹងខកខានការឈ្នះពានក្នុងលីគនារដូវកាលនេះ។
Casemiro និយាយ៖ “ពួកគេ [Betis] លេងបានល្អជាងមុន ដោយវាជារឿងធម្មតាហើយក្នុងវិស័យបាល់ទាត់ ពោលគឺនៅ LaLiga នេះផ្ទាល់គ្រប់ការប្រកួតសុទ្ធតែលំបាក ហើយក្នុងការដែលចង់ឈ្នះ LaLiga អ្នកត្រូវលេងឲ្យល្អគ្រប់ការប្រកួតទាំងអស់”។
កីឡាករប្រេស៊ីលបន្ថែម៖ “យើងត្រូវបន្តខិតខំលេងឲ្យបានល្អថែមទៀត ប៉ុន្តែនេះវាអាចនឹងធ្វើឲ្យយើងខកខានការលើកពានរង្វាន់ក្នុងលីគ តែយើងនឹងមើលប្រកួតបន្ទាប់ទៀតពេលប៉ះ Eibar”៕
ប្រភព៖ BeSoccer