កាលពីចុងសប្តាហ៍កន្លងទៅក្លឹបមេឃខៀវ Man City តាមថាត្រូវតតាំង Arsenal ប៉ុន្តែបែរជាត្រូវលើកពេល ដោយកាលនោះ City ជាប់តតាំង Aston Villa នៅ EFL Cup។
ប៉ុន្តែឥឡូវនេះមានការសម្រេចនៅកាលបរិច្ឆេទថ្មីមួយហើយ ពោលជំនួបរវាងក្រុមខ្លាំងទាំងពីរនឹងធ្វើឡើងនាថ្ងៃទី ១១ មិនាពាក់កណ្តាលសប្តាហ៍ក្រោយវិញ។
Man City នឹងបើកកីឡដ្ឋាន Etihad ស្វាគមន៍កាំភ្លើងធំ Arsenal នាជំនួបក្របខ័ណ្ឌ Premier League នាព្រឹករំលងអាធ្រាត្រឈានចូលថ្ងៃទី ១២ មិនា ម៉ោងនៅកម្ពុជា។ បន្តពីនោះ Arsenal ក៏នឹងមានការងារធ្ងន់នៅចុងសប្តាហ៍ដដែលដែលត្រូវជួប Man Utd នៅថ្ងៃអាទិត្យ។
រំឭកថាវានឹងក្លាយជាការវិលត្រលប់ជាលើកដំបូងរបស់លោក Mikel Arteta ដែលជាអតីតដៃស្តាំរបស់ Pep និងជាអ្នកចាត់ការបច្ចុប្បន្នរបស់កាំភ្លើងធំក្នុងការសាកសមត្ថភាពគ្នា នាមជាគូប្រជែងលើទីលានវិញម្តង៕
ប្រភព៖ AF