ក្រុម Ludogorets នឹងត្រូវធ្វើដំណើរទៅអ៊ីតាលី ដើម្បីប្រកួតជាមួយក្រុម Inter Milan ក្នុងពានរង្វាន់ Europa League វគ្គ៣២ក្រុមចុងក្រោយ។
ក្នុងការធ្វើដំណើរទៅលេងនៅអ៊ីតាលីនេះដែរ សមាជិកក្រុម Ludogorets ទាំងអស់ តម្រូវឱ្យពាក់ម៉ាស់ការពារខ្លួន ព្រោះខ្លាចឆ្លងមេរោគ Corona ឬ Covid-19 ដែលកំពុងរីករាលដាលខ្លាំងនៅប្រទេសអ៊ីតាលី។ ចំពោះការពាក់ម៉ាស់នេះ ត្រូវបានគ្រូបង្វឹកកាយសម្បទារបស់ក្រុម Ludogorets មិនសប្បាយចិត្តនោះទេ ត្បិតអីលោកមិនដែលឃើញកីឡាករពាក់ម៉ាស់គ្រប់ពេលវេលាបែបនេះឡើយ ហើយវាក៏អាចប៉ះពាល់ដល់កម្លាំងរបស់កីឡាករផងដែរ។
រំលឹកថានៅអ៊ីតាលី មានករណីផ្ទុះមេរោគ Corona ខ្លាំងនៅភាគខាងជើងប្រទេស។ ការប្រកួតជាច្រើនក្នុងលីគតម្រូវឱ្យលេងបិទទ្វា ព្រោះចំនួនអ្នកផ្ទុកឡើងដល់៤០០នាក់ហើយ និងស្លាប់ជាង១០នាក់៕ប្រភព៖ Dailymail
