លោក Lampard អ្នកចាត់ការក្រុម Chelsea ត្រៀមលក់កីឡាករចេញដល់ទៅ៨នាក់ឯណោះនៅរដូវក្ដៅខាងមុខ ក្រោយពីពួកគេលេងមិនបានល្អ ដូចអ្វីដែលលោកត្រូវការ។
ក្រុម Chelsea ទើបតែចាញ់ក្រុម Bayern Munich ក្នុងលទ្ធផល ៣-០ ក្នុងដីខ្លួនឯងកាលពីម្សិលមិញនេះ ក្នុងការប្រកួតពានរង្វាន់ UEFA Champions League ជើងទី១។ បរាជ័យនេះ ត្រូវបានលោក Lampard ប្រាប់ទៅកីឡាករគ្រប់គ្នាថា ជាមេរៀនល្អមួយសម្រាប់ក្រុម នៅពេលប៉ះក្រុមខ្លាំង ត្រូវលេងរបៀបណា។
មួយវិញទៀត អ្នកចាត់ការខាងលើក៏បានបង្ហើបពីគម្រោងរបស់លោកសម្រាប់ការរុះរើក្រុមតោខៀវនៅរដូវក្ដៅផងដែរ។ មានកីឡាកររហូតដល់៨នាក់ អាចនឹងត្រូវចាកចេញពីក្រុម ដើម្បីទុកកន្លែងសម្រាប់កីឡាករថ្មី។ កីឡាករទាំង៨នាក់នោះ អាចជា Kepa Arrizabalaga , Ross Barkley , Jorginho , Marcos Alonso , Emerson , Kurt Zouma, Willian និង Pedro ៕ប្រភព៖ Dailymail