• ព្រឹត្តិការណ៍ អូឡាំពិក ​នៅ​ជប៉ុន ​អាច​នឹង​រំសាយ ​បើ Corona ​មិន​អាច​គ្រប់គ្រង​បាន​

    ​ការ​ប្រកួត​ព្រឹត្តិការ​អូឡាំពិក ​នៅ​ប្រទេស​ជប៉ុន ​នៅ​ពាក់​កណ្ដាល​ឆ្នាំ​នេះ នឹង​ត្រូវ​រំសាយ​ឬ​លើក​ពេល ​ប្រសិន​បើ​មិន​អាច​គ្រប់គ្រង​ការ​ឆ្លង​មេរោគ Corona ​បាន​ទេ​។

    ​សមាជិក​គណៈកម្មាធិការ​អូឡាំពិក​អន្តរជាតិ ( IOC ​) ​បាន​បញ្ជាក់​ថា​ការ​រីករាល​ដាល​របស់​មេរោគ Corona ​នៅ​ទូទាំង​ពិភព​លោក ​នៅ​មិន​ទាន់​អាច​គ្រប់គ្រង​បាន​នោះ​ទេ។ ​បើ​ទោះ​ជា​នៅ​ចិន ​មាន​ចំនួន​អ្នក​ឆ្លង​ថយ​ចុះ​ក៏​ដោយ ក៏​នៅ​បណ្ដា​ប្រទេស​ដទៃ​ទៀត ហាក់​ដូចជា​មាន​ការ​កើន​ឡើង​នៃ​ចំនួន​អ្នក​ផ្ទុក​ទៅ​វិញ។ ​ជាក់​ស្ដែង​ប្រទេស​មួយ​ចំនួន ដែល​មិន​ធ្លាប់​មាន​ការ​ឆ្លង​មេរោគ ​ក៏​ស្រាប់​តែ​រក​ឃើញ​ករណី​ដំបូង​ដែរ​នៅ​ដើម​សប្ដាហ៍​នេះ។ ​

    ប្រទេស​ជប៉ុន ដែល​ជា​ម្ចាស់​ផ្ទះ​ព្រឹត្តិការណ៍​អូឡាំពិក​រដូវ​ក្ដៅ ​ខាង​មុខ ​ក៏​មាន​ករណី​ឆ្លង​ច្រើន​នាក់​និង​មាន​ដល់​ស្លាប់​ផង​ដែរ។ ​ដូច្នេះ​ហើយ ប្រសិន​បើ​នៅ​មិន​ទាន់​មាន​ការ​គ្រប់គ្រង​ការ​ឆ្លង​មេរោគ​បាន​ទាន់​ពេល​វេលា​ទេ ​នោះ​ព្រឹត្តិការណ៍​អូឡាំពិក​នៅ​ឆ្នាំ​នេះ ​អាច​នឹង​ត្រូវ​ពន្យា​ពេល ឬ​រំសាយ​ហើយ៕ប្រភព៖ Theguardian


    ភ្ជាប់ទំនាក់ទំនងជាមួយ CTS SPORT