ខ្សែបម្រើ Bruno Fernandes រកបាន១គ្រាប់និងបញ្ជូនបាល់ឱ្យមិត្តរួមក្រុម១គ្រាប់ក្នុងការប្រកួតដែលក្រុម Manchester United យកឈ្នះលើក្រុម Watford ៣-០។
ក្នុងការប្រកួតនៅយប់មិញនេះ ក្រុមបិសាចក្រហមលេងបានល្អ ដែលធ្វើឱ្យអ្នកគាំទ្រពេញចិត្តខ្លាំង ជាពិសេសគឺកីឡាករ Bruno តែម្ដង។ រូបគេតែងតែបង្កើតឱកាសឱ្យមិត្តរួមក្រុមជានិច្ច ហើយក៏អាចរកបាន១គ្រាប់ដោយបាល់ប៉េណាល់ទី និងបញ្ជូនបាល់ឱ្យមិត្តរួមក្រុមបាន១គ្រាប់ផងដែរ។
លោក Ole ដែលជាអ្នកចាត់ការក្រុមបាននិយាយក្រោយពីចប់ការប្រកួតនេះថា ក្រុម Man Utd ទិញបាន Bruno នេះគឺជាគ្រាប់ពេជ្រ និងជាកីឡាករសក្ដិសមសម្រាប់ក្រុមខ្លាំងមែនទែន។ រូបគេយល់ច្បាស់ពីការចែកបាល់ និងបង្កើតឱកាសជាច្រើនសម្រាប់តំបន់ខាងលើ។ ការប្រជែងយក Top4 របស់បិសាចក្រហមក៏មានសង្ឃឹមឡើងវិញផងដែរ។
ការទទួលបាន៣ពិន្ទុនៅយប់មិញនេះ បានធ្វើឱ្យ Man Utd ឡើងឈរលេខ៥ក្នុងតារាង Premier League ដោយចាញ់ក្រុមលេខ៤ Chelsea តែ៣ពិន្ទុប៉ុណ្ណោះ ឆ្លងកាត់ការប្រកួត២៧ប្រកួតមកនេះ៕ប្រភព៖ Dailymail