ខ្សែការពារ Sergio Ramos មានអារម្មណ៍ថាអាជ្ញាកណ្ដលតាមតែចាប់កំហុសខ្លួននិងក្រុម Real Madrid ជានិច្ច ក្នុងការប្រកួតទល់ក្រុម Levante កាលពីយប់មិញ។ក្រុម Real Madrid បានបរាជ័យក្រោមថ្វីជើងក្រុម Levante ១-០ កាលពីយប់មិញ ធ្វើឱ្យពួកគេធ្លាក់ចេញពីកំពូលតារាង La Liga ទៅហើយ។ ក្នុងការប្រកួតនោះដែរ គេសង្កេតឃើញមានបាល់ប៉ះដៃ២ដងថែមទៀត ប៉ុន្តែអាជ្ញាកណ្ដាលមិនបានផ្ដល់ឱ្យទៅក្រុមរបស់លោក Zidane ឡើយ។
Ramos ដែលជាប្រធានក្រុមរបស់ Real Madrid បាននិយាយដែរថា៖ “ខ្ញុំមិនចូលចិត្តនិយាយពីអាជ្ញាកណ្ដាលកាត់ក្ដីទេ ប៉ុន្តែពេលខ្លះពួកគេបានធ្វើឱ្យខ្ញុំទ្រាំមិនបាន។ ថ្ងៃនេះ មានបាល់ប៉ះដៃ២ដង ប៉ុន្តែពួកគេមិនបានផ្ដល់ឱ្យយើងទេ។ ខ្ញុំបានសួរទៅគាតា់ ប្រសិនបើគាត់មានបញ្ហាផ្ទាល់ខ្លួនជាមួយខ្ញុំ។ បើគាត់មានមែន សូមនិយាយវាមក ដើម្បីយើងអាចដោះស្រាយបាន”៕
ប្រភព៖ Marca