Erling Haaland ជាយុវជនកំពុងឡើងកូដខ្លាំងនៅតំបន់អឺរ៉ុប ដោយនារដូវកាល ២០១៩/២០ នេះ ក្នុងក្របខ័ណ្ឌនៃក្លឹបថ្មីចាស់រូបគេរកបាន ៣៩ គ្រាប់សរុបហើយ ក្នុងនោះក៏រាប់បញ្ចូល ១០ គ្រាប់នៅ UEFA Champions League ផងដែរ។
ថ្លែងចេញពីឪពុកបង្កើតរបស់យុវជនសញ្ជាតិន័រវេសរូបនេះ គឺលោក Alfie Haaland ដែលជាអតីតកីឡាករបាល់ទាត់ជើងចាស់មួយរូបនៅក្លឹប Manchester City និង Leeds បានទម្លាយថាកូនរបស់ខ្លួនបានអនុវត្តតាមទម្លាប់របស់ Cristiano Ronaldo លើការបរិភោគអាហារ។
លោកបានប្រាប់ ESPN៖ “Erling គេបានចាកចេញពីផ្ទះតាំងពីអាយុ ១៦ ឆ្នាំផ្លាស់ទៅ Molde ហើយគេមានទេពកោសល្យអាជីពច្រើនជាងខ្ញុំទៅទៀត ដោយគេត្រូវបាន Patrice Evra ប្រាប់អំពីរបៀបរបបនៃការបរិភោគអាហាររបស់ Cristiano ដែលមានតែត្រីម្យ៉ាងគត់”។
លោកបន្ថែម៖ “Erling ពេលនេះគេព្យាយាមធ្វើរឿងដូចគ្នាទៅនឹង Ronaldo ព្រោះ Ronaldo មានអាយុ ៣៤ ឆ្នាំហើយតែនៅឈរកំពូលដដែល បែបនេះវាបង្ហាញអំពីតម្លៃដែលយើងធ្វើរឿងត្រឹមត្រូវមួយ”៕
ប្រភព៖ SportBible