បន្ទាប់ពីការចាកចេញរបស់ Cristiano Ronaldo អ្នកស្នងការស៊ុតបាល់ប៉េណាល់ទី ១១ ម៉ែត្រឲ្យក្លឹប Real Madrid បានធ្លាក់មកលើកីឡាករ Sergio Ramos ដែលលេងនៅតំណែងខ្សែការពារ។
នៅប្រកួតទល់ Celta Vigo ស្មើ ២-២ កន្លង កីឡាករសញ្ជាតិអេស្ប៉ាញក៏បានបំប៉ោងសំណាញ់ទីតាមរយៈបាល់ ១១ ម៉ែត្រមួយគ្រាប់ទៀតផងដែរ ហើយនេះជាគ្រាប់បាល់ទី ១២ ហើយសម្រាប់ Ramos ក្នុងការស៊ុតបាល់ពិន័យ ចាប់តាំងពីការចាកចេញរបស់ Cristiano Ronaldo។
១២ លើកនៃការស៊ុតរបស់ Ramos គឺស៊ុតចូលទាំងអស់ ដោយរាប់ ៨ លើកនារដូវកាលចាស់ ២០១៨/១៩ ដែលក្នុងនោះក៏មាន ២ នៅ Copa del Rey និង ១ ផ្សេងទៀតនៅ Supercopa de Espana៕
ប្រភព៖ AF