ក្រុម FC Barcelona បានយកឈ្នះលើក្រុម Gatafe ក្នុងលទ្ធផល ២-១ ក្នុងការប្រកួត La Liga កាលពីយប់មិញនេះ ធ្វើឱ្យពួកគេមានពិន្ទុស្មើជាមួយក្រុម Real Madrid ដែរ។
ត្បិតតែទទួលបានជ័យជម្នះមែន ប៉ុន្តែគេសង្កេតឃើញថាក្រុម Barcelona នៅមិនទាន់រកឃើញចំណុចខ្លាំងរបស់ខ្លួននៅឡើយទេ។ ជាក់ស្ដែង ពួកគេពិបាកក្នុងការរកគ្រាប់ និងតំបន់ការពារក៏នៅមានបញ្ហាច្រើនដែរ។ អ្វីដែលកាន់តែពិបាកសម្រាប់ក្រុមនេះទៀតនោះ គឺខ្សែការពារ Jordi Alba ដែលបានរងរបួសទៀតនៅយប់មិញ។ កីឡាកររូបនេះ របួស៣លើកមកហើយនារដូវកាលនេះ។
លោក Setien នៅតែមានទំនុកចិត្តលើកូនក្រុមរបស់លោកដដែល បើទោះជាប៉ុន្មានប្រកួតមកនេះ ពួកគេនៅមិនទាន់រកឃើញទម្រង់លេងដែលរឹងមាំមួយក៏ដោយ។ បច្ចុប្បន្ននេះ ក្រុមអ្នកមានបុណ្យមានពិន្ទុស្មើក្រុម Real Madrid មែន ប៉ុន្តែក្រុមអធិរាជស មាន១ប្រកួតក្នុងដៃទៀត៕ប្រភព៖ Marca
