Zlatan Ibrahimovic ដែលលេងនៅប្រយុទ្ធជួរមុខរបស់ក្លឹប AC Milan កាលពីជំនួប Milan Derby នៅយប់មិញ ក៏រូបគេមានចំណែករកបានមួយគ្រាប់ឲ្យក្លឹប AC ផងដែរ បើទោះបីលទ្ធផលបញ្ចប់ត្រូវបរាជ័យ ៤-២ ក្រោមថ្វីជើងម្ចាស់ដី San Siro។
Zlatan រកបានគ្រាប់បាល់នៅអំឡុងនាទីបិទតង់ទីមួយ ហើយគ្រាប់បាល់នេះសោតគឺរុញឈ្មោះ Zlatan ឡើងឈរនៅកំពូលនាមជាកីឡាករវ័យចំណាស់បំផុតដែលអាចរកគ្រាប់បាល់នៅជំនួប Milan Derby ក្នុងប្រវត្តិសាស្រ្តក្របខ័ណ្ឌ Serie A។
គ្រាប់បាល់កើតឡើងនោះ ជួនពេលដែល Zlatan មានអាយុ ៣៨ ឆ្នាំ និង ១២៩ ថ្ងៃ ផ្តួលអ្នកចាស់ Liedholm កន្លងទៅមានអាយុ ៣៨ ឆ្នាំ និង ៤៣ ថ្ងៃ ហើយ Inzaghi ធ្លាប់ធ្វើបាននៅអាយុ ៣៤ ឆ្នាំ ២៦៨ ថ្ងៃ៕ ប្រភព៖ Opta