Bruno Fernandes បានផ្លាស់មកចូលរួមនៅក្លឹបបិសាចក្រហម Manchester United ជាផ្លូវការហហើយ នេះបើតាមការបញ្ជាក់របស់គេហទំព័រផ្លូវការ Manutd.com។ បច្ចុប្បន្នអ្វីដែលត្រូវរង់ចាំមើលគឺទាក់ទិនកឹងកិច្ចព្រមព្រៀងលក្ខខណ្ឌមួយចំនួននិងការធ្វើតេស្តពិនិត្យសុខភាពតែប៉ុណ្ណោះ។
បើតាមតម្លៃខ្លួនរបស់គេត្បិតមិនមានការបង្ហើបជាផ្លូវការ តែតាមដឹងពីប្រភព TransferMarkt គឺថ្លៃ ៦០ លានអឺរ៉ូដូចបញ្ជាក់ពីដំបូងមកអ៊ីចឹង។
នៅថ្ងៃអាទិត្យវេលាម៉ោង ១២:៣០ នាទីរំលងអាធ្រាត្រលើទំព័រ CTS Sports នឹងមានការចាក់ផ្សាយប្រកួតពិសេសរវាង Man Utd និង Wolves។ ឆ្លៀតនឹងប្រកួតនេះដែរ អ្នកសារព័ត៌មានក្រៅស្រុកក៏បានចោទសួរទៅកាន់អ្នកចាត់ការលោក Ole Gunnar Solskjaer ថា Bruno Fernandes នឹងអាចបង្ហាញខ្លួនជាលើកដំបូងនៅប្រកួតនោះឬបែបណា។
លោក Solskjaer បានឆ្លើយតប៖ “គ្រប់យ៉ាងគឺនៅស៊ីសងតែលើការធ្វើតេស្តសុខភាពនិងការចុះកុងត្រាតែប៉ុណ្ណោះ ដោយសម្រាប់ Fernandes គឺត្រៀមខ្លួនរួចរាល់នឹងអាចចូលរួមប្រកួតបានហើយ”៕ ប្រភព៖ ManUtd.com