• Klopp ​មិន​ដឹក​នាំ​ក្រុម ​Liverpool ​លេង​នៅ​ជើង​ទី​២ FA Cup ​ឡើយ​

    ​លោក Jurgen Klopp ​បាន​បញ្ជាក់​ថា​លោក​នឹង​មិន​ដឹក​នាំ​ក្រុម​លេង​ជើង​ទី​២ ​នៅ​ពាន​រង្វាន់ FA Cup ​ឡើយ ហើយ​កីឡាករ​មួយ​ចំនួន​ក៏​នឹង​មិន​ចូល​លេង​ដូច​គ្នា​។

    នៅ​យប់មិញ ​ក្រុម Liverpool ​លេង​បាន​ត្រឹម​ស្មើ​ក្រុម​ Shrewsbury ​ក្នុង​លទ្ធផល ២-២ ។ ​កត្តា​ស្មើ​គ្នា​នេះ​ហើយ ​ពួកគេ​នឹង​ត្រូវ​លេង​ជើង​ទី​២​ម្ដង​ទៀត ​យក​អ្នក​ឈ្នះ ​អ្នក​ចាញ់ ​នៅ​ទឹក​ដី Anfield ​វិញ​ម្ដង។ តែ​អ្វី​ដែល​មិន​គួរ​ឱ្យ​ជឿ​នោះ គឺ​លោក Klopp ​បាន​បញ្ជាក់​ថា​ការ​ប្រកួត​ជើង​ទី​២ ដែល​ធ្វើ​ឡើង​នៅ​អំឡុង​ពេល​សម្រាក​ខែ​ក្រោយ​នោះ ​លោក​នឹង​មិន​ដឹក​នាំ​ក្រុម​ឡើយ។ ​មួយ​វិញ​ទៀត ​កីឡាករ​ដែល​លោក​គម្រោង​ឱ្យ​សម្រាក ក៏​នឹង​សម្រាក​ដដែល ​មិន​បាច់​មក​លេង​ពាន FA Cup ​​ជើង​ទី​២​ទេ។

    លោក Neil Critchley ​ដែល​ដឹក​នាំ​ក្រុម​យុវជន​នឹង​មក​កាន់​តែ​ក្រុម ​ហើយ​ដឹក​នាំ​ប្រកួត​ទល់​ក្រុម​Shrewsbury ​ខាង​លើ​នេះ​ទៀត។ ​ខណៈ​ដែល​លោក Neil ​ធ្លាប់​បាន​ដឹក​នាំ​ក្រុម U23 ​របស់​ខ្លួន លេង​ទល់​ក្រុម Aston Villa ​ម្ដង​មក​ហើយ ​ក្នុង​ពាន League Cup ​៕បករភព៖ Dailymail


    ភ្ជាប់ទំនាក់ទំនងជាមួយ CTS SPORT